姨媽媽與公公

大家都知的的BB好鈡意公公，成日同公公笑笑，咁同公公好似樣嘅姨媽媽又點呢，答案係一樣咁鈡意，哈哈哈，姨媽媽好錫的的，每次都要錫腳仔，又買衫又玩具咁俾的，的的咁多人錫，好幸福呢

BB急急急

。BB好肉緊櫈櫈上的小玩具，成日拉呀拉，玩到最後會大叫，發脾氣，最初以為BB想拉個玩具落嚟，大家都覚得BB係小儍瓜，後來我又用心靈溝通，原來BB想拉自己向前，唔得所以嬲嬲，不過佢真係好急𠺢，好似之前急著要轉身，急著要講話，每次都要同BB講你係好細咋，要慢慢，不要一下子便要做到呀，咁，BB先會平伏，唔急急，爸爸媽媽都不是急性子，真不知似邊個了

BB大腿粗過小腿

BB成日踢腳仔，踢到張床郁郁下，婆婆見BB隻腳咁好力，就試下放個好重嘅米袋係BB小腿度，點知BB唔洗三幾下工夫，已經踢走佢喇，勁!

BB100days

BB昨天滿100日，突然識轉身，跟著睡覺也要側側身，而且之前唔鍾意抱抱，突然鈡意抱抱呀，抱得我好開心，連續抱了半個鍾，BB與媽媽的浪漫時間。我哋買了東海堂的巨鋒蛋糕同BB慶祝，不過BB未食得住，唔知到BB食得仲有無這款蛋糕呢。

點心的的仔

有日婆婆帶BB的的去同D親友飲茶，BB嘅受歡迎程度比蝦餃，燒賣更甚，個個都要抱抱，最撹笑係，BB有張相変咗jelly  face，一定要畫出嚟笑下

爸爸被iPad 困住了

爸爸去了廣州返工，B B 同媽媽等呀等，等同爸爸視象，點知到爸爸打到嚟，媽媽囉住個iPad 俾BB同爸爸傾計，BB嚇親，驚驚扁扁嘴，結果扭扭哭了很久，看得媽媽心也酸了。剛剛學了心靈溝通術，便看看BB怎樣想啦，原來BB覚得ipad後面應該有原大嘅爸爸，爸爸呢?很著急要本來嘅爸爸，然後好想在爸爸懷中大哭，要哭個夠，但係爸爸無法立即回來嘛，唉，下次真係唔敢再用這形式俾佢睇了。小BB的世界真的很簡單，另我有所感受。