BB100days

BB昨天滿100日，突然識轉身，跟著睡覺也要側側身，而且之前唔鍾意抱抱，突然鈡意抱抱呀，抱得我好開心，連續抱了半個鍾，BB與媽媽的浪漫時間。我哋買了東海堂的巨鋒蛋糕同BB慶祝，不過BB未食得住，唔知到BB食得仲有無這款蛋糕呢。

點心的的仔

有日婆婆帶BB的的去同D親友飲茶，BB嘅受歡迎程度比蝦餃，燒賣更甚，個個都要抱抱，最撹笑係，BB有張相変咗jelly  face，一定要畫出嚟笑下

爸爸被iPad 困住了

爸爸去了廣州返工，B B 同媽媽等呀等，等同爸爸視象，點知到爸爸打到嚟，媽媽囉住個iPad 俾BB同爸爸傾計，BB嚇親，驚驚扁扁嘴，結果扭扭哭了很久，看得媽媽心也酸了。剛剛學了心靈溝通術，便看看BB怎樣想啦，原來BB覚得ipad後面應該有原大嘅爸爸，爸爸呢?很著急要本來嘅爸爸，然後好想在爸爸懷中大哭，要哭個夠，但係爸爸無法立即回來嘛，唉，下次真係唔敢再用這形式俾佢睇了。小BB的世界真的很簡單，另我有所感受。

神奇 B B 櫈

大既兩個幾月大嘅時候，婆婆買咗呢張櫈櫈俾BB，因為BB當醒醒時睡在床上只看到天花板，真係好boring，而家有得坐係度望住我哋，佢真係定D，無呀呀嘈，之前佢一嘈就要抱直直，一定唔肯橫抱，佢要同我哋同一視線呢

錫BB

每日放工回到家，第一樣做嘅嘢就係抱BB，跟住會熱烈地錫BB小臉，小手，小腳，的的BB好好玩，我錫佢面仔時，會手舞足動，然後小咀咀好似學緊我錫錫咁，郁郁下，好得意。

兩公孫

BB的的好鈡意公公，成日同公公傾計，好笑嘅係公公一向都唔出聲，無嘢講，但同孫仔的的，竟然雞啄唔斷，仲好friend 咁踏膊頭，公公抱抱永無say no，有次重要婆婆抱住坐坐睇公公添。

就嚟三個月大

仲有3日BB就踏入三個月喇，BB真係好似其他媽媽講咁一到三個月會好湊好多，近呢個星期，BB7：00左右起身，會笑笑，笑得好開心，跟著又唔要抱抱，要自己瞓，不過都要喊一陣，十分鈡倒，加埋捉住小手仔，咁就好快瞓喇，之前撹好耐都未得𠺢，不過又食小咗嘢喎，BB好似爸爸咁，唔鈡意食早歺，浄係想玩，不停笑笑，真係俾佢迷暈咗

BB腳

BB小腳真係好誘人，迷住咗一家人（爸爸仍然很鎮定），通常我哋最鈡意被仔焗住好耐嘅BB腳，香噴噴，腳趾仔一粒粒，好似提子，好味，不過而家快3個月大，腳仔已經有11cm 長，只放到半隻腳仔入口，真係要曰日食多D，唔係遲D大大隻，無咁好食囉

晨光的笑容

BB係咪都係鈡意朝早笑呢，今朝臨返工前，BB不停同我笑笑，笑到小脷不停伸出嚟，條脷又肥又厚，好想咬一啖，真係冧到暈咗㗎，真係想留底同佢玩呢。

半夢半醒食奶奶

小B好似大爺咁,要瞓住食奶,半夢半醒之間,如果未瞓着就餵,的的會変身小超人,攻擊奶樽仔,然後大喊,明明肚仔餓都要咁扭,激死

眼瞓BB

尋晚返到屋企,BB本來瞓緊都醒咗,好得意嘅係每次放回來都會同我笑笑,見佢無瞓,就同佢傾計,笑得好開心,然後就抱咗佢出廰,睇我跳鄭多燕,BB好攪笑,好似都想跳,郁郁下,笑死我,佢睇咗半个鐘,突然眼仔,鼻仔紅曬,一定係眼瞓喇,但係重眼仔碌碌,呢個BB唔識自已休息嘅,一玩過龍就大獲,會喊得好激,嗱嗱声捉佢去瞓,但係又夠鈡食奶,事不過佢鈡意瞓覺食奶,於是BB一瞓着,就餵喇,由点知醒咗,到爸爸返也沒有瞓過,唔知係咪想等返嚟傾計仔,佢見到爸爸會好多嘢講,

尋晚唔指同爸爸傾計,重俾爸爸抱(的的BB唔鈡意抱抱嘅,除咗婆婆),夲來父子倆非常融冾,不過最後真係太眼瞓喇,倦到唔識瞓,喊咗十幾分鈡,終極好倦,媽媽一抱便睡了(平時唔俾我抱嘅)

BB扭計仔

小的的今朝又扭計換完片片之後喊喊,爸爸睇下个鈡其實都夠鈡食奶,但係又唔食喎,打交仔咁,又郁手,又郁腳,頭都暈,跟住婆婆又抱,我又抱,姐姐又抱試來試去,好似都唔及得一片棉花仔,到底係棉花仔有用ㄚ,定係已経喊到倦呢?唉,是但啦,佢肯瞓番就就得喇,睇下个鈡,已経7点喇、嗱嗱声瞓多半个鈡先得,如果唔係都唔知点返工